Цаг үе, үйл явдал
Иргэний шинэчилсэн бүртгэлд 86.6 хувьтай байна PDF Хэвлэх И-мэйл
2010 оны 11-р сарын 14, Ням гариг, 22:19

Иргэний шинэчилсэн бүртгэлд 2010 оны 11 дүгээр сарын 12-ны өдрийн байдлаар нийслэлийн хэмжээнд 694317 иргэн хамрагдсан нь нийт хамрагдвал зохих иргэдийн 86.6 хувь байна. Иргэний баримт бичгийн зөрчилтэй, өөр аймаг хотод ажиллаж сурч байгаа, гадаадад ажиллаж сурч байгаа, хугацаат цэргийн алба болон хорих ангид ял эдэлж байгаа гэх мэт шалтгаанаар иргэд иргэний шинэчилсэн бүртгэлд хамрагдаагүй байна. Хөдөө орон нутгийн оюутнуудыг бүртгэж эхэлсэн, хугацаат цэргийн албан хаагч, хорих ангид ял эдэлж байгаа хүмүүс гэх мэт байнга оршин суух хаягаараа бүртгүүлэх боломжгүй хүмүүсийг Батлан хамгаалах яам, Шүүхийн шийдвэр гүйцэтгэх газар зэрэг холбогдох газруудтай нь хамтран бүртгэж эхлэхээр болсон.

 
Иргэний шинэчилсэн бүртгэлд хамрагдсан иргэд нэрээ баталгаажсан эсэхийг шалгаж үзнэ үү. PDF Хэвлэх И-мэйл
2010 оны 11-р сарын 05, Баасан гариг, 22:22

Иргэний шинэчилсэн бүртгэлд хамрагдсан иргэд нэрээ баталгаажсан эсэхийг энд дарж шалгаж үзнэ үү.

 
УИХ-ын чуулганы нэгдсэн хуралдаанд Ерөнхий сайд С.Батболдын хийсэн мэдээлэл PDF Хэвлэх И-мэйл
2010 оны 11-р сарын 01, Даваа гариг, 22:18

Монгол Улсын иргэний шинэчилсэн бvртгэлийн ажлын явц, цаашид авах арга хэмжээний талаар УИХ-ын чуулганы нэгдсэн хуралдаанд Ерөнхий сайд С.Батболдын хийсэн мэдээлэл Улсын Их Хурлын дарга, Улсын Их Хурлын эрхэм гишvvд ээ, Та бvхний энэ өдрийн амгаланг айлтгая. Монгол Улсад бvртгэлийн нэгдсэн тогтолцоо бий болгож бэхжvvлэх, vйл ажиллагааг сайжруулж төгөлдөршvvлэх нь Засгийн газрын хөтөлбөрт туссан гол зорилтуудын нэг мөн.

Дэлгэрэнгүй...
 
Иргэний шинэчилсэн бүртгэл 82.9 хувьтай байна. PDF Хэвлэх И-мэйл
2010 оны 11-р сарын 01, Даваа гариг, 22:17

Иргэний шинэчилсэн бүртгэлд 2010 оны 11 дүгээр сарын 01-ний өдрийн байдлаар нийслэлийн хэмжээнд 666651 иргэн хамрагдсан нь нийт хамрагдвал зохих иргэдийн 82.9 хувь байна. Иргэний шинэчилсэн бүртгэлдээ Багануур дүүрэг-94.9 хувь, Багахангай дүүрэг-90.8 хувь, Чингэлтэй дүүрэг-89.3 хувь тус тус хамруулсан нь бусад дүүргийн бүртгэлээс илүү хувьтай байна. Нийслэлийн иргэд та бүхэн харъяа дүүргийн хороондоо иргэний үнэмлэх, төрсний гэрчилгээ болон гэрлэлтийн баталгаагаа авч очин иргэний шинэчилсэн бүртгэлдээ идэвхитэй хамрагдахыг уриалж байна. Иргэний шинэчилсэн бүртгэлдээ хамрагдсан боловч Халамжийн үйлчилгээний газарт нэр нь очихгүй 1 сараас дээш хугацаагаар хүлээж байгаа иргэд холбогдох мэдээллийг Улсын Бүртгэлийн ерөнхий газарт хандах болон "Бүртгэлийн лавлах 1890" утаснаас авна уу.

 
Хөдөө орон нутгаас ирж суралцаж байгаа оюутнуудыг сургууль дээр нь бүртгэнэ PDF Хэвлэх И-мэйл
2010 оны 10-р сарын 25, Даваа гариг, 22:17

Нийслэл Улаанбаатар хотод хөдөө орон нутгаас ирж суралцаж байгаа оюутнуудыг Боловсрол соёл шинжлэх ухааны яам болон бусад их дээд сургуулиудтай хамтран шинэчилсэн бүртгэлд 2010 оны 11 сарын 1-ний өдрөөс эхлэн сургууль дээр нь бүртгэж эхлэхээр боллоо. Нийслэлийн хэмжээний бүх их дээд сургуулиудад албан бичиг хүргүүлэн бүртгэл хийх өдрийг зарласан. Оюутан залуус та бүхэн тухайн бүртгэл хийх өдөр иргэний үнэмлэх, төрсний гэрчилгээтэйгээ очин бүртгүүлнэ үү. Харин нийслэлд байнга оршин суудаг оюутнуудын хувьд тухайн оршин суугаа газрын хороондоо бүртгүүлнэ.

 


Хуудас 48-с 46

Санал асуулга

Гадаад паспортыг ШИНЭЭР АВАХ үйлчилгээг Нийслэлийн Үйлчилгээний Нэгдсэн Төвүүдэд үзүүлж байгаа нь